📋Fidinana ifotony tany Ambato Boeny sy Farafangana.

👉Tonga nanolotra vary, menaka, savony hoan´ny be-antitra sy traboina avy amin’ny kaominina telo isany voadonan’ ny rivodoza tao amin’ny distrikan’ny Ambato Boeny ny Minisitra Coach Boeny, Pr ASSOUMACOU Elia Béatrice.

👉Tao Andranofasika no nanolorana ny fanomezana rehetra, nontronin’ireo Ben’ny tanàna rehetra avy amin’ny distrika Ambato Boeny, ny VPAN Faritany Mahajanga, ny Solombavam-bahoaka voafidy tao Ambato Boeny ary ireo olom-panjakana isan-tsokajiny sivily sy miaramila avy any Mahajanga ary ny vahoakan’ny Andranofasika.

✅Nisy ihany koa ny fidinana ifotony tany Farafangana notarihan’ny Tale jeneralin’ny Fikarohana, hijery akaiky ny takaitra nahazo ny CNRO ( Centre national des Recherches Océangraphiques) sy ny Oniversite any an-toerana.

👉Natao “laharam-pahamehana ny fanarenana haingana ny CNRO izay ivon-toeram-pikarohana misehatra amin’ ny ranomasina sy ny sisintany”.

Naneho fahavononana hifanome tanana amin’ny ministera ny governoran’ny faritra amin’ny famerenana amin’ny laoniny ny fotodrafitrasa izay nahitam-pahasimbana taorian’ny fandalovan’ny rivo-doza. Nisy ny fanolorana tohana avy amin’ny Ministera foibe hoan’ireo traboina tao amin’ity ivon-toeram-pikarohana ity.