Parc Botanique et Zoologique de Tsimbazaza
Hetsika fanadiovana faobe nataon’ny mpiasan’ny MESupReS
Androany, zoma 21 janoary 2022 dia nanatontosa hetsika fiaraha-mientana ny Ministeran’ny Fampianarana Ambony sy ny Fikarohana ara-tsiansa ho fanadiovana ny valan-java-boahary eto an-Tsimbazaza. Tonga nanome tanana ny fitaleavana « directions » sy ireo ivon-toeram-pikarohana « Centres de recherche » rehetra eo anivon’ny ministera amin’ny fanadiovana, toy ny CNRE, CIDST, FOFIFA, CNRIT, IMVAVET, CNRO, CNARP sy INSTN.

Natao ity hetsika ity hoy i Ramatoa Bezandry Brigitte Annie, Talen’ny Parc Botanique et Zoologique de Tsimbazaza ( PBZT) « mba hisian’ny fifandrindrana kokoa eo amin’ny asa sy ny mpiara-miasa ary ho fandaminana ny anjara asan’ny tsirairay eo anivon’ny Parc. »
Marihina fa ny Parc Tsimbazaza no valan-java-boahary tantanan’ny MESupReS manokana ankoatran’ireo hafa izay tantanan’ny Ministeran’ny Tontolo Iainana sy ny Fandrosoana Lovain-jafy.